21 मार्ग बंद असताना असंख्य महिलांच्या उपस्थितीत सीटू आयटकचे जिल्हाधिकारी कार्यालयावर धडक, देशव्यापी आंदोलन...

गडचिरोली सुपरफास्ट 

 न्यूज वृत्तसेवा 

गडचिरोली 

गडचिरोली : संयुक्त किसान मोर्चा व कामगार संघटनानी पुकारलेल्या देशव्यापी बंद आंदोलन पुकारण्यात आले होते. त्या प्राश्वभूमीवर गडचिरोली जिल्ह्यात सध्या मुसळधार पावसामुळे 21 मार्ग बंद असताना जिल्हाधिकारी कार्याल्यासमोर आंदोलनासाठी महिलांची उपस्थिती लक्षणीय होती.

आंदोलनात जन सुरक्षा विधेयक रद्द करणे, चार श्रमसहिता रद्द करणे, खाजगीकरण करणे थांबवा, सर्व कामगारांना 26000 रु मासिक वेतन द्या, शेतकरी, कामगार, मजुरांना मासिक 5000 पेन्शन लागू करा , अंगणवाडी कर्मचाऱ्यांच्या वेतनात वाढ करा, गडचिरोली जिल्ह्यातील शेतकर्याचे बळजबरी जमीन अधिग्रहण करु नये अशा विविध मागण्यांना घेऊन जिल्ह्यातील कामगार संघटना, महिला कर्मचारी, शेतकरी, शेतमजूर मोठ्या संख्येने उपस्थित होत्या. दरम्यान जिल्हाधिकारी कार्याल्यासमोर जोरदार घोषणाबाजी करण्यात आली.

पुर परिस्थिती मुळे जिल्ह्यातील जवळपास सर्व मार्ग बंद असतानाही अन्याय, शोषनाच्या विरोधात जिल्ह्यातील अंगणवाडी सेविका, मदतनीस, आशा वर्कर्स, शालेय पोषण आहार कर्मचारी, सफाई कामगार, शेतकरी, शेतमजूर मोठ्या संख्येने सहभागी झाले होते.

या आंदोलनात विविध संघटनेच्या पदाधिकाऱ्यांसह आंदोलन कर्त्यांनी सुद्धा मार्गदर्शन केले. आंदोलनास सिटु संघटनेचे कॉम्रेड. रमेशचंद्र दहिवडे, आयटक चे कॉम्रेड. देवराव चवळे , मार्क्सवादी कम्युनिस्ट पक्षाचे जिल्हा सचिव कॉम्रेड. अमोल मारकवार, भाकपाचे

 जिल्हा सहसचिव कॉ. सचिन मोतकुलवार , शेतकरी कामगार पक्षाचे भाई रामदास जराते, आझाद समाज पक्षाचे धर्मानंद मेश्राम, राज बन्सोड ,किशोर जामदार, सुरज जंकुल्लवार, विठ्ठल प्रधान यांनी केले. आंदोलनाच्या शेवटी जिल्हाधिकाऱ्यांना मागण्यांचे निवेदन देण्यात आले.