गडचिरोली सुपरफास्ट
न्यूज वृत्तसेवा
गडचिरोली
माजी खासदार तथा भाजपा अनुसूचित जनजाति मोर्चाचे राष्ट्रीय महामंत्री डॉ. अशोकजी नेते यांच्या प्रेरणेतून गडचिरोली येथे स्थापन झालेल्या शिवकृपा कनिष्ठ विज्ञान महाविद्यालयाने यंदाही आपली उज्ज्वल निकालाची परंपरा अबाधित ठेवली आहे. बारावीच्या विज्ञान शाखेचा निकाल यंदा ९५.६५ टक्के लागला असून विद्यार्थ्यांनी उल्लेखनीय कामगिरी करत महाविद्यालयाचा शैक्षणिक दर्जेचा मान उंचावला आहे.
कु. संजना कालिदास पदा हिने ९०.६७% गुण प्राप्त करत महाविद्यालयात प्रथम क्रमांक मिळवला.तर जिल्ह्यातून तृतीय क्रमांक पटकाविला आहे. महाविघालयातुन पलाश भास्कर रामटेके व कु. श्रावणी प्रणय खुणे यांनी ७६.६७% गुणांसह द्वितीय क्रमांक मिळवला. त्यानंतर कु. सिया मनोज रोहणकर हिने ७२.६७% गुणांसह तृतीय क्रमांक पटकावला.
याशिवाय, इतर विद्यार्थ्यांनीही उल्लेखनीय यश संपादन केले असून त्यात क्रीश शाहु हुग्गा (७०.८३%), ओजस शीलत डोळस (७०.३३%), आणि कु. यशस्विता एन. पाटील (७०.१७%) यांचा समावेश आहे. विशेष म्हणजे, सर्वच विद्यार्थी प्रथम श्रेणीत उत्तीर्ण झाले आहेत.
संस्थेचे अध्यक्ष मा. खा. डॉ. अशोकजी नेते यांनी यशस्वी विद्यार्थ्यांचे कौतुक करत त्यांचे तसेच शिक्षकांचे अभिनंदन केले. विद्यार्थ्यांच्या पुढील वाटचालीसाठी त्यांनी शुभेच्छाही दिल्या.
गेल्या वर्षी शिवकृपा कनिष्ठ विज्ञान महाविद्यालयाने जिल्ह्यातून द्वितीय क्रमांक पटकावला होता, तर यंदाही तोच यशाचा ध्यास कायम राखत तृतीय क्रमांकावर आपले स्थान निश्चित केले आहे. हा घवघवीत यशाचा आलेख कायम राखण्यात महाविद्यालयातील सर्व शिक्षक, शिक्षकेत्तर कर्मचारी व व्यवस्थापनाचा मोलाचा वाटा आहे.
Post a Comment